اليوم العالمي تاع « التَعْنَاقْ »: 21 جانفي

اليوم 21 جانفي هو اليوم العالمي تاع التَعناق، واللّي معروف عالمياً باسم Hug Day، وهذا اليوم اللّي يحتفلوا بيه من السبعينات، حسب واش يقول موقع journee-mondiale.com.

شوية أرقام:

  • 7 دقايق تاع تعناق ف النهار باش الواحد يحس روحو فرحان.
  • الدراري الصغار يكبروا خير كي يكونوا عندهم والدين يعنقوا بعضاهم ويعنقوهم.
  • في عام 1998، وفي وينيباغ (كندا)، صرا أكبر تعناق ف العالم: 462 شخص.

كيفاش بدات؟

في 29 مارس 1986 كيفن زابورني جاتو الفكرة تاع أول يوم عالمي للتعناق. شاف بلّي من بداية العام حتى للسان فالونتان (14 فيفري) كانت مدّة تاع دبريس ويطيح فيها المورال. يخلاصو الأعياد تاع نهاية العام، وبزاف ناس يطيحوا ف المونك العاطفي.

هذي الفكرة تاع تحرير واستقبال العواطف والحنانة هي اللي زادت على شكل « تعناق باطل ».

كيفاش تصرا؟

ساهلة… يجي واحد ويوقف في وسط ساحة، ويرفد ورقة مكتوب فيها « تعناق باطل » ويخيّر الناس على الزهر يعنقوه ويعنقهم بلا ما يطلبوا من بعضاهم والو.